ياشعبي حبيبي ياروحي يابيبي

شعر / أحمد فؤاد نجم

ياشعبي حبيبي ياروحي يابيبي
ياحاطك في جيبي يابن الحلال

ياشعبي ياشاطر ياجابر خواطر
ياساكن مقابر وصابر وعال

ياواكل سمومك يابايع هدومك
ياحامل همومك وشايل جبال

ياشعبي اللي نايم وسارح وهايم
وفي الفقر عايم وحاله ده حال

احبك محشش مفرفش مطنش
ودايخ مدروخ وآخر انسطال

احبك مكبّر دماغك مخدّر
ممشي امورك كده باتكال

واحب اللي ينصب واحب اللي يكدب
واحب اللي ينهب ويسرق تلال

واحب اللي شايف وعارف
وخايف وبالع لسانه وكاتم ماقال

واحب اللي قافل عيونه المغفل
واحب البهايم واحب البغال

واحب اللي راضي واحب اللي فاضي
واحب اللي عايز يربي العيال

واحب اللي يائس واحب اللي بائس
واحب اللي محبط وشايف محال

واحبك تسافر وتبعد تهاجر
وتبعت فلوسك دولار او ريال

واحبك تطبل تهلل تهبل
عشان مطش كوره وفيلم ومقال

واحبك تأيد تعضض تمجد
توافق تنافق وتلحس نعال

تحضر نشادر تجمع كوادر
تلمع تقمع تظبط مجال

لكن لو تفكر تخطط تقرر
تشغلي مخك وتفتح جدال

وتبدأ تشاكل وتعمل مشاكل
وتنكش مسائل وتسأل سؤال

وعايز تنور وعايز تطور
وتعمللي روحك مفرد رجال

ساعتها حجيبك لايمكن اسيبك
وراح تبقى عبره وتصبح مثال

حبهدل جنابك وأذل اللي جابك
وحيكون عذابك ده فوق الاحتمال

وامرمط سعادتك واهزأ سيادتك
واخلي كرامتك في حالة هزال

وتلبس قضيه وتصبح رزيه
وباقي حياتك تعيش في انعزال

حتقبل ححبك حترفض حلبك
حتطلع حتنزل حجيبلك جمااااال

زائر

شكرا لك على هذه القصيدة الرائعة بحق وبمعانيه وقافيتها

ولكن ممكن تعدلها لانى عايز انقلها؟
بمعنى ان فيه حاجات كدة حروف جنب الكلام ممكن تكتبها تانى ؟

ياشعبي حبيبي ياروحي يابيبي Mv238159xj0

زائر

وردة اهديها لكل من يحب وطنه الوردة دى بتعبر عن حبى لمصر حبيبتى

[/c]

__________________

العين بعد فراقها الوطنا
لا ساكنا ألفت ولا سكنا
ريانة بالدمع، أقلقها
ألا تحس كرى ولا وسنا
كانت ترى في كل سانحة
حسناً، وباتت لا ترى حسنا
والقلب لولا أنة صعدت
أنكرته وشككت فيه أنا
ليت الذين أحبهم علموا
وهم هنالك ما لقيت هنا
ما كنت أحسبني مفارقهم
حتى تفارق روحي البدنا