شعبان يعبر عن غضبه

شعبان عبدالرحيم يعبر عن غضبه عما يحدث فى غزه
من خلال هذه الكلمات الجميلة التى كتبها له مؤلفه
اسلام خليل
وتقول كلمات الأغنية:
غلبت أكتب أغانى مش لاقى كلام يتقال/ اللى بيحصل فى غزة حرام ده ولا حلال
قنابل نازلة طالعة على الأرض وعلى البيوت/ والدنيا فى غزة والعة والناس عمالة تموت
يا عالم حد يلحق يا عالم حد يحوش/ إن شاالله حتى بجزمة زى اللى خدها بوش
الشعب العربى اتأذى.. الشعب العربى حزين
على اللى بيحصل فى غزة وبيجرى فى فلسطين/ ٢٠٠ شهيد وأكتر بالضرب ليل نهار
والدم فى كل حتة والناس ما بين حصار
مكسوف أكتب أغانى والدم مستباح
لكن ورقتى ميدانى وقلمى هو السلاح/ بدل ما تلوموا مصر وتجيبوا سيرة الناس
شوفوا الحرب اللى دايرة بين فتح وبين حماس
طول عمر مصر واقفة وبكامل شعبها/ مشغولة بالقضية وبتسعى لحلها
الظلم الإسرائيلى ع الوطن العربى زاد/ وما بنعملش حاجة غير بس نقف حداد
دى دولة ملهاش لزمة وهدفها دايماً قذر/ عايزالها ألف جزمة زى بتاعة منتظر

كلامك يا شعبان فى حب غزة/ كلام حكيم يمكن يشارك فى حل الازمة

يمكن لما يقراه العرب ويسمعوه يغيروا/وينهضوا لتحقيق الامل والعزة

يااهل غزة صبرا لحين اتحادنا/ولو متحدناش يبقى ملناش لازمة

عدد الرسائل : 2141 تاريخ التسجيل : 25/08/2008

بسم الله

انا عندى اقتراح

لو نتبنى كلام شعبان ويكون هو الموقف العربى

اظنه يعبر عن اللى جوانا جميعا

ولا يستطيع اى رئيس عربى ان يقول هذا الكلام

وقد عجبنى جدا كلامه اللى بيقول

لكن ورقتى ميدانى وقلمى هو السلاح/ بدل ما تلوموا مصر وتجيبوا سيرة الناس
شوفوا الحرب اللى دايرة بين فتح وبين حماس

والله المستعان

عدد الرسائل : 373 تاريخ التسجيل : 16/05/2008

مواضيعك كلها جميله ياصوت البلد

شكرا يا صوت