خذ الحكمة من شعبان عبد الرحيم

بمجرد انتهاء الانتخابات الأمريكية سارع شعبان عبدالرحيم وتوأمه المؤلف إسلام خليل إلى التعبير عن موقفهما من باراك أوباما، الرئيس الجديد للولايات المتحدة الأمريكية، وتسجيله فى أغنية وجداها فرصة لإعلان رفضهما للرئيس السابق جورج بوش، ومن المقرر أن يسجلها شعبان خلال يومين باسم «بوش ابن المجنونة».
تقول كلمات الأغنية: «يا سكة الندامة يا دنية الوحوش.. إياك باراك أوباما مايكنش زى بوش.. بوش يخرب بيته باعنا وضيّعنا سنين وأوباما الناس فاكرين هيكون صلاح الدين.. ما هو بوش ابن المجنونة شعللها فى كل مكان.. أفغان وعراق وغزة وآخرها سوريا كمان.. هيعمل إيه أوباما فى مصايب بوش وأبوه..
بلاش من بدرى نحلم ليكون الحلم كابوس.. خلينا زى ما احنا ما الهم أخدنا عليه.. راح بوش وجه أوباما إيه يعنى هيحصل إيه.. لسه فلسطين محتلة والحرب فى العراق.. والناس عايشة فى مذلة وعداء بيجيب عداء.. مهما هيعمل أوباما ويلف شمال ويمين.. لا هيرجع الحريرى ولا حتى الشيخ ياسين.. سلامتك ألف سلامة يا عم عربى عليك.. قاعد مستنى أوباما علشان ياخد بإيديك.. ولا بوش ولا أى أوباما تانى هيفكر فيك.. يا عربى مفيش غير إيدك هى اللى راح تحميك».

عدد الرسائل : 2141 تاريخ التسجيل : 25/08/2008

بسم الله

اخى صوت البلد

والله حكمه وكلام معبر

ويمكن فى 3 جمل غايه فى الروعه وفى وصف الحال والحقيقه

1 - راح بوش وجه اوباما ايه يعنى هيحصل ايه

2 - سلامتك الف سلامه يا عم عربى عليك قاعد مستنى اوباما عشان يا خد با يديك

3 - ولا بوش ولا اى اوباما تانى هيفكر فيك يا عربى مفيش غير ايدك هى اللى راح تحميك

اظن هذا هو الحال

وانا بكره اسرائيل وهقوله لو اتسأل لو حتى اموت قتيل لو اخش المعتقل وعجبى

والله المستعان

عدد الرسائل : 211 تاريخ التسجيل : 13/09/2008

انا أحيي شعبان عبد الرحيم علي جرأته
مين دلوقت يقدر يقول الكلام دا
يالا ربنا يستر علي العرب والمسلمين من الطغاه اعداء الدين