ممكن حد يرد عليا؟

انا موضوعي يمكن كتير منكم حصل معاه الي انا هقوله الوقتي

بس بجد انا مش عارفة ليه حصل معايا كدة؟

انا بعامل الناس كويس اوووووي والله.بس هما بالعكس دائما تحسن ليهم وهما بالعكس.ممكن حد يجاوبني لية كدة؟؟

لما يكون اقرب الاقريبن ليك واكتر واحد مأمنة على سرك اول واحد يتكلم عليك.

اكتر واحد بتحبة يطلع اكتر واحد بيكرهك ومبيتمناش ليك الخير

ليه كدة هو الطيب الوقتي و الي بيعامل الناس كويس يبقى وحش يعني لازم نبقى وحشين ولما نبقى وحشين منعجبش ولما نبقى حلوين بردة منعجبش

ليه اول واحد تمد ليه ايدك اول واحد يقطعها لييييييييييييييييييييه كدة معدش فيه ضمير هي الناس دي اية؟

معليش ثقلت عليكم بمشاكلي بس عاوزة حل عاوزة اعرف ابقى ازاي علشان اعرف اخد حقي

شوفي هقولك حاجه انتي قلتيها في الاول ناس كتير جدا بيحصل معاها كدا

مش انتي بس انا كمان حصل معايا كدا بس مش مع كل الناس لان الدنيا بقت وحشه اوي وكلها مصالح وانانيه وحب للذات وبس

واحنا بنتجرح اوي من الناس ال بنحبهم اوي وال متعشمين فيهم يعني علي قد الحب بيكون الالم والجرح

بس برده مش كل الناس وحشه يعني زي مافي ناس وحشه هتلاقي كمان ناس تحبك بجد وتحسك اوي ومتحسيش بالراحه الا معاهم ممكن قريبه او صديقه او اي حد طبعا

بس اصبري واوعي تندمي علي خير انتي عملتيه لانك بالفعل ستثابي عليه من ربنا

ال فوق كل البشر وحمدي ربنا ال عندك قلب مليان حب ومفيهوش حقد ولا غل ولا كره

مش مهم تثقي اوي في كل الناس خلي دايما عندك حته كدا لنفسك عشان متصدميش اوي

بس خلي التسامح يملي حياتك انتي مش هتكوني احسن من الرسول عليه الصلاه والسلام

ال اتعرض للايذاء من اهله وناسه واطرد من بلده ال اقسم انها احب بقاع الدنيا الي قلبه

ولما رجع شوفي عاملهم ازاي الرسول قدوه لازم نقتدي بيه ونتعلم منه

يارب اكون قدره افهمك وافهمك وجهه نظري

اتمنالك السعاده والخير والحب ان شاء الله

أنا عارفة ان فيه ناس حلوين ودول قليلي

المشكله ان اقرب الاقربين ليكي بتحبيهم اووووووي وكنتي مرتاحة معاهم وعمرك ماحسيتي ان هما اول ناس تغدر بيكي

مش قادرة اسامحهم ولا اقادرة اتكلم تاني معاهم لاني مكنتش حتى سايبة حاجة لنفسي زي ما انتي قولتي بجد مصدومة ومهما كان مفيش حد هيبقى زي الرسول الكريم
بس هحاول اعمل زي ماعمل عليه الصلاة والسلام....

بشكرك اووووووووووووووووووووووووووووووي والله شكرااا لانك رديتي عليا

عدد الرسائل : 2141 تاريخ التسجيل : 25/08/2008

بسم الله

مش كلنا خاينيين

لا مش كلنا خاينين

ولا كلنا ناسيين

لسه فينا امل ..رغم عذاب السنين

لسه فينا ناس للخيانه رافضين

لسه فيه ناس للعهود صاينين

مش كلنا يا ناس للعشره ناسين

ولا كلنا بالذل و الخداع راضين

لسه فينا ناس للحب و الاخلاص عايشين

لسه فينا ناس للخير و الحب مصدقين

صدقونى لسه فينا الخير و ليوم الدين

لسه فينا ناس للحب و للوفا عاشقين

ومهما طال ليل الاسى و الظلم الحزين

مهما اتخدعنا من ناس كنا لهم عايشين

و حتى لو زاد غدر و اسى الخاينين

و باعوا الاحبة رخيص و اختلت الموازين

و مهما زاد الالم لجرح المجروحين

لازم نلاقى الدوا فى وجود المخلصين

لازم نلاقى ناس بالحب مليانين

صدقونى يا ناس مش كلنا خاينين

و لا كلنا ابدا ممكن نكون ناسيين

مش كلنا خاينين .. لا .. و لا كلنا ناسين

الاخت طالبه الرحمه

هذه هى الدنيا وهؤلاء هم البشر

اذا صادفتى انسان غير صادق فهناك الصادق

واذا قابلتى من هو خائن فهناك الامين

والله المستعان

[size=24]شكراااااااااااااااااااااااااااااااااااااااااااا ليك واحد من ميت علي

كلامك جميل وبشكرك على ردك
جزاك الله خير

عدد الرسائل : 145 تاريخ التسجيل : 17/05/2008

ياطالبة الرحمة دة حلنا كلنا ولازم دة يحصل علشان نتعلم ونعرف الحلو من الوحش وديما خلي اي سر بينك وبين ربنا هو في احسن من ربنا نبقي معاه

الأخت طالبة الرحمة

جزاكم الله خيراً على صدق مشاعرك وعلى انك جعلتي اعضاء المنتدى اخوة لك
تفضفضي لهم على امور قليل ما يبوح بها
---------
وجزا الله خيرا الاخوة والأخوات اللذين نصحوكي ولم يبخلوا بالرد
---------------
اما عن الموضوع الذي طرحتيه
فحله في عدة نقاط أولها وأهمها :-
هو أنك تجعلي الله رقيبا عليك في تصرفاتك وتحركاتك وان تجعلي سكوتك وحركاتك لله وحده
اذا عاملك من حولك بالحسنى فهذا هو الأصل وهو المراد
وان عاملوك بغير ذلك فاحتسبي عند الله
ثاني الحلول :-
الصبر واعلمي أن الذي يخالط الناس ويصبر على أذاهم خير ممن يقاطعهم ويخاصمهم ويعتزل الأخرين
ثالثاً :-
يجب أن تكوني أنت عامل ايجابي في اصلاح الأخرين بالحكمة والموعظة الحسنة
ولك الأجر والثواب عند الله
-----------------------
وفقنا الله واياك الى ما يحب ويرضى

الف شكر لكم وجزاكم الله الف خيييييييييييييييييييييييييييييييييييييييييييييييييير

اختى طالبة الرحمة اطلب منكى التسامح الى كل من اساء اليكى واطلب لهم الهداية كلنا مررنا بهذة الظروف التى مررت فيها واكتر من ذلك انا اقول لكى اكتفى بقول الله الحمدلله وحسبنا الله ونعم الوكيل

عدد الرسائل : 2141 تاريخ التسجيل : 25/08/2008

بسم الله

عندك حق يا .............

حسبى الله ونعم الوكيل

ما اجملها من كلمه وما اصدقها من تعبير

والله المستعان